කාට නම් කියන්නද.............?

i|g ;ks rl_k ;re j,g

ÿl l_hkako…

u,g fmï lrk nU/kag

ÿl l_hkako…..

;=/,;d isôk u| k,g

ÿl l_hkako…..

Tng fkdyefÕkd ÿl

ldg kï l_hkako…..

හිරිමල් යෞවනය..

අඳින්නේ ඩෙනිමය…. එයද හැලෙන්නටය….

කොටු කමිසය, බැගි, shoes.. කාටත් පොදුය…

ඡංගමය කණේය‍….

අත වෙලා නූල් පන්දුය…

ගන්නේ රස්ති පෙනුමය…

යන්නේ මොවුන් tutory ය………

භාෂාව සිංග්lish ය…

නිය, තොල් ,පාට පාට ය…

බෑගය සරසවි වගේය….
යන මග ඇයද නොදන්නීය….

හිරිමල් යෞවනය..

තවත් ගවි ගණනින් දුරය…

එනමුදු එක බැල්මකින්..

පෙමද අරඹා හමාරය…

කාලය මැවූ වෙනසක..

අරුමයත් ඉතිංමෙයමය…

දුටුවන්ට නමි සිතෙන්නේ…

අනේ ඇත්තට මුන්ට පිස්සුය….

හුග දවසකින් බ්ලොග් එකට ගොඩ වුනේ...අද මම ඔයාල වෙනුවෙන් හොයාගෙන ආව පුංචි සොෆ්ට්වෙයර් (software) එකක්...මේක හැමෝටම නොවටින්න පුළුවන්..එත් නොකියා ෆෝන් (nokia phone)එකක් තියෙන අයට නම් වටිනවා..

අපි බලමු අපේ නොකියා ෆෝන් එකේ තියෙන ෆයිල් වල බැකප් (file backup) අපි ගන්නවනේ... සමහර වෙලාවට ෆෝන් එක කැඩුනොත් අපිට මේ බැකප් වල වටිනාකම බොහොමා ඉහලයි නේද?

 ඉහතින් දක්වල තියෙන්නේ නොකියා බැකප් ෆයිල්....

ඉතින් මෙහෙම වෙලාවක අපේ ෆෝන් බැකප් එකේ තියෙන දුරකථන අංක (contacts)අපිට බලන්න විදියක් නෑ...

එහෙමත් නැති නම් අපි නොකියා ෆෝන් එක අතහැරලා වෙන ෆෝන් එකකට මාරු වෙනවා නම් නොකියා ෆෝන් එකේ තියෙන අංක කෙටි පණිවුඩ (SMS) වගේ ඒවා ගන්න අමාරුනේ...  ඒකට අපිට පුළුවන් මේ සොෆ්ට්වෙයර් එක බාවිතා කරලා මේ නොකියා බැකප් ලිහාගන්න....(extract)

මේ පුංචි සොෆ්ට්වෙයර් ඒකතමයි...NbuExplorer_v2.5

මේ  ලින්ක් එක බාවිතා කරලා පුළුවන් ඒ සොෆ්ට්වෙයර් එක ඔබේ පරිගණකයට බාගත කරගන්න..

http://download1us.softpedia.com/dl/67666516abb148a01dcb42bfff2b5c69/4fb880d6/100142263/software/mobile/NbuExplorer_v2.5.zip

මේක පුංචි සිප් ෆයිල් එකක් විදියට තම ලැබෙන්නේ..එක ලිහාගෙන ඔබේ පරිගණකයේ ධාවනය කරවන්න..එවිට මේ වගේ පින්තුරයක් ලැබේවි..

මෙහි ෆයිල් මෙනුවට ගොස් එහි open dialog box එකෙන් ඔබට අවශ්‍ය නොකියා බැකප් ෆයිල් එක ලබාදෙන්න..මෙය nbu ෆයිල් එකක්. එවිට එහි ඇති සියලු තොරතුරු විවිද ෆෝල්ඩර් විදියට ඔබට පෙන්නාවි...අවශ්‍ය ෆෝල්ඩර් එක මත රයිට් ක්ලික් කර එක්ස්පෝර්ට් විදානය මගින් ඔබට අවශ්‍ය තැනකට සේව් කරගත හැක...

හැමටම  ආයුබෝවන් වාසනාවන්.....!!!!!!!!!!!!!!

පුංචි අරුම පුදුම

අද මම බැලුවේ පුංචිඅරුම පුදුම දේවල් ටිකක් දෙන්න...මේක මයික්‍රසොෆ්ට් ආයතනයේ අපේ බිල් ගේට්ස් මාමටත් හිතා ගන්න අමරුලු...ලෝකේ මෙහෙමත් දේවල් තියෙනවා...

1. ඔයාලගේ කොම්පියුටර් එකේ con කියල ෆයිල් එකක් හොයාගන්න බැරුව වගේම  con කියල ෆෝල්ඩර් එකක් හදන්නත් බෑ... මේ වැඩේ මොන ක්‍රමයකටවත් හදන්න බෑ...මේ ගැටලුවට අපේ බිල් මාමටත් පිළිතුරු නෑ....
2. ඔන්න  යාලුවනේ මම ඔයාලට පොඩි ස්ක්‍රීන් ෂොට් එකක් ගත්ත ඔයාලට මේ con පෙන්නන්න..මාත් ඉතින් එක සේව් කල con කියල...අප්පටසිරි වින්ඩෝස් අන්කල්ට මල පැනල ටින් ටොන් ගාල එරර් කොට්ටට්ක් දැම්මනේ..
3. ඔයාලට තත්පර එකකින් දෙකකින් මොනවහරි වචන දාල පිටු හත අටක චේදයක් ලියන්න පුලුවන්ද?මොන හත අටද? පිටු පන්සීය හැට හතක්..තත්පර දෙකෙන්...මොන විකාරයක්ද මේ කියල බලයි නේද?... එහෙනම මයික්‍රොසොෆ්ට් වර්ඩ්වලට ගොස් එහි =rand(200,99) කියල කොටලා එන්ටර් කරන්නකෝ......බිල් මාමා අන්ද මන්ද වී ඇත..
4. සැත්තැම්බර් 11 මතක නේද? අර ලෝකෙම හෙල්ලුනේ...මතකනේ.. ගුවන් යානයේ අංකය Q33N. ඔන්න ඔය යානාව තම ඇමෙරිකාවේ ලෝක වෙළද මද්‍යස්ථාන ගොඩනැගිල්ලේ හැප්පුනේ...ඔය කතන්දරේ කවුරුත් දන්නවනේ..එක නෙමේ මම කියන්නේ.. ඔයාල වර්ඩ් පෑඩ් හෝ මයික්‍රසොෆ්ට් වර්ඩ් වල ඔය Q33N අංකය කොටලා අකුරුවල ප්‍රමාණය 72 කරලා අකුරු වර්ගය Wingdings වලට මාරු කරලා බලන්නකෝ...හරි පුදුමයි නේද?....

 

අජානීය ස්කූටර

අජානීය ස්කූටර තුරඟා පිට වඩිනා..

කුමාරියෙනි වාත වේගයෙන් ඉගිලෙනු කොතැනා..

බදා හිමි දෙවුර එසවී පුරවර සිරි බලනා...

විලාසයට නුඹේ කිරුල බිම වැටෙයිද සිතුනා..

සූසැට  ශිල්පයකු ගෙනා පාරගතව ගියෙනා..

පාරේ වැඩට හවුල් වෙන්න උදැල්ල මට ලැබුණා...

මා ගත දා බිදු හදුනා හදේ සිනා නගනා..

ප්‍රේමවන්ති විලවුන් ගෑ ලේන්සුපට සිඹිනා.

 සදාකල්ම පෙම්වතුන්ගේ සිහින පුරා පිපෙනා..

උදුම්බරා මලක් තියේ ආදරයයි කියනා..

රෑ  තුන්යම සුවද උලා උදෑසනින් වැකෙනා..

 කාට අහිමි උනත් සාධු මල් පිපියන් සැමදා...

ලස්සන ගීතයක් නේද?.. ඔබ බොහෝ දෙනෙක් මේ ගීතය අසා ඇතුවාට සැක නැහැ. ලංකාවේ ඉතාම ජනප්‍රිය ගීතයක්.. කරුණාරත්න දිවුල්ගනේ ගායන ශිල්පියාගේ සුමදුර හඬින් ගැයෙන මේ ගීයේ පදපෙල අපිට ටිකක් නුපුරුදුයි වගේ නේද? බොහෝ දෙනාට අර්ථය වටහා ගන්නත් අමාරුයි.. ලස්සන අරුතක් තියෙන මේ ගීයෙන් කියවෙන්නේ මොකක්ද කියල අපි සොයා බලමු..

අජානීය කියන්නේ ලෝකේ (තුරඟ තරඟ වල) වේගයෙන්ම දුවන අශ්වයින් ජාතියක්...ස්කූටර් කිවුවම දන්නවනේ මෝටර් සයිකල් කියල... දැන් තියන ඒවාට තියෙන්නේ ගුවන් යානා තාක්ෂනයනේ...ඒවගේ ප්‍රථිපල රෝහල් වාට්ටුවකට ගියාම බලාගන්න පුළුවන්..

අජානීය ස්කූටර තුරඟා පිට වඩිනා..

කුමාරියෙනි වාත වේගයෙන් ඉගිලෙනු කොතැනා..

ඉතාම වේගයෙන්,පවනට බදු වේගයෙන් යන සුපිරි පන්තියේ යතුරු පැදියක නැගී කුමාරියේ කොහෙද මේ යන්නේ..

බදා හිමි දෙවුර එසවී පුරවර සිරි බලනා...

විලාසයට නුඹේ කිරුල බිම වැටෙයිද සිතුනා..

තමන්ගේ පෙමවතාවබදාගෙන ඔහුගේ උරහිසට උඩින් ඉස්සී නගරයේ සිරි අසිරි බලමින් උජාරුවට යන අපූරුව දැක්කම මට හිතුනේ උබේ ඔය ආඩම්බර කිරුල කඩාගෙන වැටෙයිද කියල..අර අහල තියනවනේ ගීයක පදපෙලක් මෙහෙම "උස අත්තක මලක් උනේ ගවු ගණනක් උඩින් ඉන්න අන්තිමේදී උරුම උනේ මල පොකුරක එකක් වෙන්න.."

මේ  කතාවට පාදක වෙන චරිතය මේ සිද්දියේ දුර හුගක් දකින නිසයි ඔහුට මෙහෙම හිතෙන්නේ..ඇරත් වර්තමාන කාලේ මේ වගේ සිද්ධි සමාජයේ අරුමයක් නෙවෙයි...

මේ චරිතය කොච්චර උගත් වුවත් ශිල්ප 64 ම දැනගත්තත් ඒවා ඔක්කොම නැතිව ගිහින් දයිවයේ සරදමකට තමා මේ පාරේ වැඩකරන්න සිද්ද වෙන්නේ..මේ සිද්දිය දකිද්දී එයාට මතක් වෙන්නේ තමන්ගේ පෙමවතිය..තමන් මේ විදින දුක ගැහැට හරියට තේරුම් ගනිපු ඇය තමන්ගේ දාඩිය සුවදට ඇලුම් කරනවා.. උදේ ඉදන් රෑ වෙනකන ගිනි අවුවත් එක්ක ජීවන ගඟ එතෙර වෙන්න ඔට්ටු වෙන ඔහුගේ ශරීයෙන් ගලන දා බිදු පිසලන පුංචි ලේන්සු පටේ තියෙන ජීවන සුවදට ඇය හුගක් ඇළුම් කරනවා...ඇය ඒ ලේන්සුව සිඹිනවා.. එතරම්ම ආදරයක්..

උදුම්බරා මලක් පිපෙන්නේ හුගාක් කාලෙකට සැරයක්ලු ..  පරම පූජනීය ආදරයේ සංකේතයක් බඳුයි...  සදාකල්ම ආදරෙන් බැදුණු පෙම් යුවලගේ ආදරයේ සංකේතය මේ හුගාක් දුර්ලබ උදුම්බරා මල වගේ...

දන්කාලේ තියෙන ආදර කොහේ හරි කුලී කාමරයක රෑ එළිවෙනකොට ඉවර වෙන කාමයෙන් මත් වුන ආදරයක්...ඉතින් මේ පාරේ වැඩකරන අවස්ථාවේදී දකින මේ චිත්‍රයත් එක්ක ඔහුගේ මනසේ මේ කතන්දර පෙළ එකින ඒක මැවෙනවා...ජේත්තුකාර කොල්ලෙක්  සුපිරි සයිකලයක කෙල්ලෙක්ව තියාගෙන කොහේ හෝ කුලී කාමරයක් සොයා යනවාදැයි ඔහුට සිතුන නිසා වෙන්න ඇති මේ පද පෙළ ඔහුගේ සිහියට ආවේ.."විලාසයට නුඹේ කිරුල බිම වැටෙයිද සිතුනා.."

ඉතින්  මේ රෑ එළිවෙනකොට කොච්චර ප්‍රේම වියැකිලා ගියත් දෙයියනේ කියල උදුම්බර මල පිපෙන්න..ඇයි ඒ? අපි වගේ දුප්පත් අවංක අව්‍යාජ පෙම්වතුනුත් ඉන්නවා... ඔවුන් වෙනුවෙන් පිපෙන්න..

වර්තමාන ආදරේ උදේට පරවෙලා යනවා කියල නොපිපි අරින්න එපා...හැමදාටම පිපෙන්න..."කාට අහිමි උනත් සාධු මල් පිපියන් සැමදා..."

.

කළුවරට ගස් කැපීම....

ඔන්න ආයිම ආව බ්ලොග් ඒක පැත්තට... අපේ අය බලනවා ඇති මොකක්ද මේ අද කියන්න යන හරුපේ කියල...හොරාට ගස් කපන හැටිද?අප්පටසිරි කිවුවලු..(නෙවෙයි, ඇපල්සිරි කිවුවලු) පොලෝසි ගානේ බඩ ගැන කේස් එකක් වගේ....

අනේ  නෑ...මම ඔයාලට ඒ වගේ නීති විරෝධී වැඩ ඔයාලට කියාලා දෙන්නේ නෑ...

ඔය අපේ පරණ උදවිය එහෙම ඔය කතාව කියනවා ඔයාලට ඇහිලා ඇති...ඕක කළුවරට ඉරුව නම් ඔහොම ගුල්ලෝ ගහන්නේ නෑ...එක්කෝ මඩේ වත් දාල ගන්න තිබුන නේ...

ඔය කතන්දර ඇහෙන්නේ ලී ගැන එහෙම කතා වෙනකොට...ගෙයක වහලෙට ලී ඕන වුනාම අපි ඉතින් ලී මඩුවට ගිහින් ගේනවා ඇරෙන්න ඉරපු හැටි අහනවයි නේද?

ඔය වාස්තු විද්‍යාව ගැන දන්නා අය නම් ඔය කතන්දර ගැන හොදට දන්නවා...

අපිත් බලමු මේ කතන්දරේ විද්‍යාත්මක පැත්ත...අපිට ඉතින් හැම මගුලටම විද්‍යාව නේ..

ගැමි වහරේ තියෙන්නේ ගහක කපනවනම් හඳ පායපු කාලෙට කපන්න හොද නෑලු.මේ වගේ වෙසක් හරි ඕනෑම පාලොස්වක කාලෙකට.හොදට කරුවල බලල තම කපන්න ඕන.ඒ කියන්නේ අමාවකට...නැත්තං ගුල්ලෝ ගහනවා, ඉක්මනට දිරනවා...

ඇයි මේ....

මෙහෙම වෙන්නේ හඳේ බලපෑම නිසයි... පාලොස්වක කාලේ කියන්නේ හොදට හඳ පායන කාලේ නේ.. හැදෙ ආකර්ශන ශක්තිය පොළොවට වැටෙනවා...මේ ආකර්ෂණය නිසා අහල තියනවනේ වායුගෝලයේ පීඩනය වෙනස් වෙලා වඩදිය බාදිය ඇතිවෙනවා කියල... ඔන්න ඔය කතන්දරේ ගස් වලටත් බලපානවා... මේ නිසා ගහේ මුල් දිගේ ආහාර, ජලය ගහට හොදට ඇදල ගන්නවා..ඒවා ගහේ තැම්පත් වෙනවා...එකට තම එලය කියන්නේ... මේ කාලෙට ගහේ තියෙන ආහාර, ජලය වෙන කාලවලට වැඩ හුගක් වැඩි.. ඉතින් මේ කාලෙට ගස් කැපුවම ඒවායේ තියෙන ආහාර කන්න ගුල්ලෝ වගේ සත්තු එනවා..උන් විදගෙන ඇතුලට යනවා...කාලයක් යනකොට ඒ ඉරපු ගැහෙන වැඩක් නෑ...ඔක්කොම දිරල..ගුල්ලෝ ගහල.. කළුවර කාලෙට එහෙම නෑ...

ඉතින් මේ හඳ තියෙන කාලෙට ඉරන ගස් මඩේ දාල තැම්බෙන්න ඉඩ හරිනවා..එතකොට අර ආහාර කොටස් පල් වෙලා යනවා...ඒවා කන්න සත්තු එන්නේ නෑ...

ඔන්න ඕක තම කතන්දරේ කළුවරට ගස් ඉරන....

දැන්නම් ඉතින් මොනාද ..මට මතක් වෙන්නේ අර ආච්චි කෙනෙක් කියපු කතන්දරේ...

අනේ දන්නේනෑ රාලහාමි ,ඊයේ රෑ ඇහුනා ගහ වටේ මෝටර් සයිකලයක් යනවා..හැබයි මහත්තයෝ දෙපාරයි ගියේ... ජරබරාස් ගාල සද්දයක් ආව... මම හිතුවේ පදපු එකා වැටෙන්න ඇති කියල... බැලින්නම් උදේ නේ දැක්කේ මේ මහා ගහ බිම නේ... දෙයියනේ...අපරාදයක මහත...

එහෙනම් ඕං මං ගොහින් එන්නම්...

අතෘප්තිමත් ජීවිතයක...

බැංකුවේ ගෙවන ලාච්චුව වැනිය

ජීවිතය!

උදේ නාමයට පිරෙයි

ලක්‍ෂ ගණනින් මුදල්

ටිකෙන් ටික විටින් විට ක්‍ෂයව ගොස්

දහවලේ ඉදිරිපස දොර වැසෙන යාමයට

හිස්‌ බවින් පිරී ගිය

ලාච්චුවේ කොටු හතර

හිනාවෙයි ඔච්චමට වාගේ මට!!!!

බාල විය ප්‍රමුදිතව තොසින් හිද

යෞවනේ මල් උයන මැදින් ගොස්

හිස්‌ බැවින් ජීවිතේ ඉමට එන

විඩාපත් මිනිස් සිරුරක් මැවෙයි

මුදල් නැති ලාච්චුව දකිනවිට..!!!

 

(දුමාරය-බන්දුල නානායක්කාරවසම්)

සිංහල හෝරා සටහන...

හුග දවසකින් බ්ලොග් එකට ලිපියක් ලියන්න ගොඩ උනේ..වෙසක් සැරසිලි අතරේ පොඩි කම්මැලිකමක් ආ නිසයි මුකුත් ලියන්න හිතදුන් නැත්තේ..
දැන් මේ සිංහල රට සම්පූර්ණයෙන්ම යුරෝපීය වෙලානේ..කොටින්ම කිවුවොත් සුදු පාට මල් වැටුන රතුපාට රැලි ගවුමක් අහලගම් පන්සීයක හෙවුවත් හොයාගන්නවත් නෑ.. ඉතින් ඔය හුග දෙනෙක් සිංහල හෝරා ක්‍රමය ගැන හාන්කවිසියක්වත් දන්නෙ නෑ..ඉස්සර ඈපා පංචාංග ලිතේ නම් අනිවාර්යෙන් තිබුණා.. එත් ඒ විදියට තිබුනම අපේ යුරෝපීයසිංහල ගැමි කතුන්ට ඕව නොතේරෙන නිසා දැන් ඒකෙ දන්නෙත් නෑ..
මං අද මේ කියන්නේ මොන බහුබූත්යක්ද කියල බලනවා ඇති.. නේද???
අපේ සිංහල බ්ලොග් එකට දාගන්න පුළුවන් සිංහල ක්‍රමේට වෙලාව පෙන්වන සරල හෝරා සටහන් යන්ත්‍රය තමා මේ..

1. මුලින්ම ඔයාගේ බ්ලොග් එකට ලොග් වෙලා ඩිසයින් (design) ටැබ් එකට යන්න..
2. ලේඅවුට්(layout)  එකේ ඇඩ් අ ගැජට්(add gadget) වලට ගිහින් HTML/Java Script තෝරන්න..
3. මී ළගට පහල තියෙන code එක copy කරලා content එකේ paste කරන්න..
4. <script type="text/javascript">
   <!--සිංහල හෝරා සටහන Script by http://saybarkadamalla.blogspot.com-->
   
   var currentTime = new Date()
   var hours = currentTime.getHours()
   var minutes = currentTime.getMinutes()
   if (minutes < 10){
   minutes = "0" + minutes
   }
   if(hours >=12){
   document.write("අපර භාග ")
   } else {
   document.write("පූර්ව භාග ")
   }
   document.write("හෝරා " + hours + " පසු වී මිනිත්තු " + minutes + " යි ")
   
   //-->
   </script> 
5. මී ළගට තියෙන්නේ title එකට සිංහල හෝරා සටහන කියල ලියන්න..
6. ඊ  ළගට save කරලා බලන්න..

ඔයාලගේ  බ්ලොග් එකේ සිංහලෙන් , සිංහල ක්‍රමයට වෙලාව සටහන් වෙලා තියේවි..
අපූරුයි නේද?

සදාකාලික නොවූ ලෝකේ

සදාකාලික නොවූ ලෝකේ සදාකාලික ප්‍රේමයක්
සොයා නෙක ගම් දනව් පීරා ගෙවූ කාලය සිහිනයක්...


මගේ දුක දැක ඔබේ දෙනයන උපන් කදුලින් සේදිලා
මගේ දුක දැක ඔබේ දෙනයන උපන් කදුලින් සේදිලා
ඔබේ වත නොව ඔබේ හදවත පුරා සඳ සේ පැදිලා...


එදා ලග සිට දුටුවා ඔබ නොව මෙදා දුර සිට මා දකින්නේ
එදා ලග සිට දුටුවා ඔබ නොව මෙදා දුර සිට මා දකින්නේ
සදාකාලික නොවූ ලෝකයේ සද කෙලෙසද පෙම් බදින්නේ...

ගායනය: සුනිල් එදිරිසිංහ

ඉතාම සුන්දර ගීතයක්.. සුනිල් එදිරිසිංහයන්ගේ සුමදුර කටහඩකින් හැඩ වෙලා රෝහණ වීරසිංහයන්ගේ මියුරු ස්වර රටා වලින් හැද පතුලට කිමිදෙන මේ ගීය තවමත් එදා වගේම අදත් බොහෝ දෙන අතරේ හුගක්ම ජනප්‍රියයි..මේ දෙදෙනාගෙන් හැඩවෙන්නේ ආනන්ද අමරසිරි කියන ගීත රචකයාගේ අග්‍රගන්‍ය පද පෙළ...

සදාකාලික නොවූ ලෝකේ සදාකාලික ප්‍රේමයක්
සොයා නෙක ගම් දනව් පීරා ගෙවූ කාලය සිහිනයක්...

ඇත්තටම මේ ලෝකේ සදාකාලික නෑ..ඒක ඔබත් මමත් අපි හැමෝමත් දන්නවා.. බුදුදහම රකින අදහන අපි මේ අස්ථීර ලෝකේ ගැන හොදට දන්නවා...එහෙවු ලෝකෙක අපි සදාකාලික ප්‍රේමයක්...අමරණීය ප්‍රේමයක් සොයාගෙන ඇවිදින ඒක හරිම විහිළුවක්...මේ වාණිජකරණය වූ ලෝකේ හැමෝම හැල්මේ දුවන යුගයක අපි ඇත්තටම ආදරේ කාටද කියලවත් දන්නේ නැති පිරිසකුත් ඉන්නවා..අඩුම ගැනේ තමන්ටවත් ආදරේ නැති අය ඕනෙ තරම්..

ඉතිං මේ රචකයා කියන්නේ තමන් ලග තිබුණු ආදරේ සෙනෙහස පැත්තක දාල සදාකාලික ප්‍රේමයක් සොයාගෙන විවිදාකාරයේ ප්‍රේමයන් පස්සේ  දුවල දුවල හති වැටුනම නැවතුනා...එතකොට තමා තමන්ට සත්‍ය අවබෝධ වුනේ... හරියට අර බුදුන්ගේ කාලේ පටාචාරට බුදුන් වහන්සේ නොමල ගෙයකින් අබ ගේන්න කිවුව වගේ..   එතකොට මෙයා හුගක් ප්‍රමාද වෙලා (මෙය කිවුවේ මේ ගීයෙන් කියවෙන කතාවට අයිති වෙන කෙනා..)  තමන් ලග හුගක් ආදරෙන් තිබුණු ප්‍රේමය එයාගෙන් හුගාක් ඈතට ගිහින්...  ඇත්තටම එයාට ඒ පහුවුන කාලය සිහිනයක් වගේ...

 මගේ දුක දැක ඔබේ දෙනයන උපන් කදුලින් සේදිලා
ඔබේ වත නොව ඔබේ හදවත පුරා සඳ සේ පැදිලා...

ඒ කාලේ වෙනකොට තමන් ලග තිබුණා ප්‍රේමය, ඒ කිවුවේ තමන්ට මෙතෙක් කල් ආදරය කරපු, තමන් ආදරය නොකරපු ගෑනු ළමය  වෙනකෙනෙකුගේ ආදරය ලබලා ... තමන් තමන්ට ආදරය කරන නිසා තමන්ගේ අනාගතය වෙනුවෙන් සුදුසු සහකරුවෙක් සොයාගෙන කසාද බැදලා වෙන්නත් පුළුවන්..

ලස්සනට ඉදපු මේ පිරිමි ළමය කෙට්ටුවෙලා..කලුවෙලා..ඇදිල ගිහිල්ල.. හුගක් දුක් විදිනවා ..ඒ කාලේ මෙයාට සත්‍ය වැටහිලා බොහොම දුකෙන් හුගක් මනසින් ශරීරයෙන් දුක් විදිනවා... මේ ගෑනු ළමය හුගක් ආදරය කරපු කෙනෙක් මෙහෙම දුක් විදිනවා දකින කොට තමන්ගේ ඇස් වලට කදුළු එනවා නොදැනීම.. මෙන්න මේ දෙදෙනා දකින මේ අවස්ථාව තමා

මගේ දුක දැක ඔබේ දෙනයන උපන් කදුලින් සේදිලා කියල කියන්නේ....

මේ ගෑනු ළමය රූපෙන් ලස්සන නොවෙන කෙනෙක්..ඉතිං මෙයා ඒ දවස්වල සදාකාලික ප්‍රේමය කියල කියන්නේ හොයල තියෙන්නේ බාහිර රූපෙන් ලස්සන ගෑනු ළමයෙක් ..දැන් තමා එයට තේරෙන්නේ සත්‍ය ප්‍රේමය කියන්නේ බාහිර ලස්සන නොවේ කියන එක ... මේ අහිසක ගෑනු ළමයාගේ හදවත පුරා තියෙන සත්‍ය ප්‍රේමය මෙයාට දැන් වැටහෙනවා..එහෙම තේරෙනවෙලාවට තමා මේ පදපෙල සිහිවෙන්නේ..

 ඔබේ වත නොව ඔබේ හදවත පුරා සඳ සේ පැදිලා...

එදා ලග සිට දුටුවා ඔබ නොව මෙදා දුර සිට මා දකින්නේ
සදාකාලික නොවූ ලෝකයේ සද කෙලෙසද පෙම් බදින්නේ...

එදා ඇත්තටම තමන් ලග ඉදගෙන පෙම්බස් මුමුණපු කාලේ මේ ගෑනු ළමයාගේ ප්‍රේමය හදුනා නොගත්තට දැන් තමන්ට එයාව අයිති නැති කාලේ ඒ ප්‍රේමය දකිනවා..එතකොට හුගක් ප්‍රමාද වෙලා... 
එදා ලග සිට දුටුවා ඔබ නොව මෙදා දුර සිට මා දකින්නේ

දැන් සදාකාලිකව ප්‍රේම කරන්න , හදපතුලින්ම එන සත්‍ය ප්‍රේමයක් තමන්ට තිබුනත් තමන්ට සදාකල් ප්‍රේම කරපු යුවතිය තමන් අහලකවත් නේ... ඉතිං කොහොමද සදා පෙම් බදින්නේ...

සදාකාලික නොවූ ලෝකයේ සද කෙලෙසද පෙම් බදින්නේ...

හුගක් අනුවේදනීය ප්‍රේම වෘතාන්තයක් බොහොම සරලව ඉතාම අලංකෘතව මේ තුන කට්ටුව සිංහල කළා  ලෝකෙට දායාද කරලා තියෙනවා..

සින්දුවේ රසය ඔබේ දෙසවනින් විදගන්න..

මගේ බ්ලොගය

මගේ බ්ලොගය

බොහෝ කල් ඉදල මගේ හිතෙත් ආසාවක් තිබුණා බ්ලොග් එකක් ලියන්න... වෙලාවකට ඔයා වැඩේට කම්මැලියි.. කඩුවත් හරහට ඉන්න එකේ බයත් හිතෙනවා.. මාත් ඔයා අන්තර්ජාලේ කරක් ගහන ගමන් එක එක බ්ලොග් වලට යනව..එනවා.. හුගක් ලස්සන ප්‍රයෝජනවත් බ්ලොග් හුගක් මට හමුවෙලා තියෙනවා..ඒ වගේ වෙලාවට නම් මට හුගක් ආස හිතෙනවා මගේම කියල බ්ලොග් එකක් හදන්න..

ආයිම වෙලාවකට හිතෙනවා මම බ්ලොග් එකක් හැදුවත් මොනාද මම මේකේ ලියන්නේ... අනුන්ගෙන් කොපි කරන්නත් බෑනේ..මේ බ්ලොග් එක තාමත් හැදුවට මේකේ ලියන කියන දේවල් ගැන මගේ මේ ඔලු ගෙඩියට කිසිම අදහසක් එන්නේ නෑ..  ඒත් ඔයා හිතපු ගමන් එන සමහර සිතුවිලි, අරව මෙවුවා මම ඔය කොළ කෑල්ලක හරි මගේ ජංගම තෙලබනුවේ සටහන් කරගන්නවා...

අප්පටසිරි මොකක්ද මේ තෙලබනුව කිවුවේ..ඔය දැන් කාලේ හැම එකාගේම අතේ තියෙන්නේ... මොබයිල් ෆෝන් ... තෙලබනුව කියල සිංහලෙන් කියන්නේ දුරකතනයට..

අපි ඉතිං ඉංගිරිසි සිංහල කවලමේ ජරබර ගාල නේ අපේ ටෝක්ස් අනුන්ට බෙදන්නේ... ඔයවගේ තව සිංහල වචන තියෙනවා..ඒවා හරියට අන්ධ භූත ජාතකේ වගේ අපිට... හොයන්නකෝ එහෙනම් පටි සටහුව කියන්නේ මොකකටද කියල...

ඔයිං මෙයින් මම මේක පටන් ගත්ත කොහෙන්ද කියලත් අමතක වෙනවා තව චුට්ටෙන්... ඉතිං ඔහොම ඕන දෙයක් වුනාවේ කියල මට හිතුන අද හොදම දවස කියල මගේ බ්ලොගයට උප්පත්තිය දෙන්න...

අද  ලස්සන දවසක්... වර්ෂ 2012 ක් වූ මැයි මස පළමු වැනිදා... ලෝක කම්කරු දිනේ..

මට ගුරුහරුකම් දුන්න රිච්මන්ඩ් මෑණියන්ගේ උපන් දිනය...1876 අද වගේ දවසක ගාල්ලේ තියෙන ලස්සනම කන්දක ක්‍රිස්තියානි පල්ලියක් මූලික කරගෙන ජෝර්ජ් බෝ පූජකතුමාගේ ප්‍රදානත්වයෙන් තමා පටන්ගෙන තියෙන්නේ... ඔය කන්ද මුදුනේ තියෙනවා විශාල බෝ ගසක්.. ඉස්කෝලේ හදන්න ගස කපල සුද්ද කරද්දී මේ ගස ඉතුරු කරලා තියෙන්නේ තමන්ගේ නම තියෙන ගහක් නිසාලු...

සයිබර්  කදමල්ල කියලනමක් දැම්මේ ආසාවට හදපු බ්ලොග් එකට දාන්නේ මේවමයි කියල වාරණයක් දමාගන්න අකමැති නිසයි...එහෙම වුනාමත් නිදහස් අදහස් ඔහේ ගොලුවෙලා යනව...

මේ පින්තූරේ මෙතනට දැම්මේ මම අසා නිසා.එක ඉතිං කියන්න දෙයක් යැ. ඕන කෙනෙකුට තේරෙනවනේ...මම වැඩිපුරම ආස මුහුදටයි අහසටයි..ඔය දෙකම කොච්චර ඈත තිබුනත් පාට එකමයි...කොච්චර ඈත තිබුනත් පේන්නෙ එකට ගෑ වෙනවා වගේ..මේ ඔරුවේ ඉන්නේ මම...මහ විශාල තාක්ෂණික සාගරයක්  මැද තනිවෙලා... හබල් ගානවා ඒ තාක්ෂණික සාගරේ  පය ගහන්න පුළුවන් ඉසවුවක් සොයාගන්න....

ඒකට මේ සයිබර් කදමල්ල අත පත ගාන ඔයාලත් ලොකු හයියක් වේවි...

මම ඔය කියපු ලට්ට පට්ට ටික ටික ඉඩ පහසු ඇති විදියට සයිබර් කදමල්ලට එකතු කරන්න හරි බරි ගැහිලා තමා ඉන්නේ...